@ 
一年一度嘅「全民運動日」前日(3/8)舉行，康文署喺全港18區嘅指定體育館舉辦免費康體活動。
教育局局長蔡若蓮喺深水埗民政專員王浩宇嘅陪同下到訪深水埗體育館，親身支持全民運動日。一眾嘉賓觀賞咗各項運動項目示範，包括新興運動「跑酷」、體能遊戲、擊劍以及「射箭同樂」。現場無論係大人定小朋友都玩得非常投入，仲見到唔少運動小健將添，大家互相鼓勵，樂在其中，氣氛非常熱鬧，原來做運動係可以咁好玩㗎！
今年繼續以「日日運動半個鐘健康快樂人輕鬆」為口號，鼓勵全民運動。做運動對身心健康至關重要，大家記得要恆常運動，享受運動嘅樂趣。全運會及殘特奧會即將開幕，香港將會承辦其中八個競賽項目，大家一齊響應「全城齊運動 全民撐全運」啦。
@ 