@ 
今年係香港首次與廣東省以及澳門特別行政區共同承辦「第十五屆全國運動會」及「全國第十二屆殘疾人運動會暨第九屆特殊奧林匹克運動會」，意義非凡 ！為響應依場國家級嘅體育盛事，「全民運動日2025」以「全城齊運動 全民撐全運」為主題， 號召市民一齊參與，燃點體育熱情 ！
尋日（3/8），署理創新科技及工業局局長張曼莉、黃大仙民政專員Thomas、康樂及文化事務署總康樂事務經理（九龍）張綺美，聯同多位黃大仙區議員嚟到蒲崗村道體育館 ，與市民一齊做運動 ，迎接全運盛事。
活動中，張署理局長以及Thomas專員參與咗循環體能訓練 、特奧滾球同樂、身心伸展嘅體適能健體訓練同埋數碼鐵人三項體驗活動 。Thomas專員亦同在場嘅黃大仙地區康健中心職員交流，支持康健中心喺地區層面推廣基層醫療 ，幫助巿民建立健康人生！
運動唔單止係消脂減重同鍛鍊肌肉嘅良方，更加係緩解壓力、促進心理健康嘅有效方法 。黃大仙民政處會繼續攜手地區團體，舉辦更多元化、更具包容性嘅體育活動，推動全民運動及傷健共融 ，共同建設一個活力社區
@ 
@