@ 
觀塘康寧道康寧唐樓第二期尋日(5/8)下午疑因持續大雨令積水滲漏至各層電錶 ，導致電力短路停電 ，影響全幢5層共20戶住宅單位及4間地鋪。觀塘民政處、區議員柯創盛、馬軼超、吳承華、協康關愛隊同中華電力隨即到場協助 。適逢晚飯時段 ，關愛隊特別逐戶派發食水同乾糧畀居民 ，以解燃眉之急 。
為進一步支援居民 ，觀塘民政處亦分別於觀塘社區中心同藍田(西) 社區中心通宵開放兩個臨時庇護中心 ，讓有需要嘅受影響居民可暫時入住 ，並喺大廈地下出入口設置緊急支援站 ，協助有需要嘅住戶 。此外，鄰近嘅明愛社區客廳喺尋晚延長開放時間至午夜十二時，方便市民洗澡同為手機充電 。
事故發生後，大廈業主們履行業主共同維修電力供應嘅責任 ，已於尋日下午立刻聘請電力維修人員搶修 。過程中，民政處及區議員一直密切留意維修嘅進度 。及至今日下午4時，喺各方努力下，大廈已全面恢復電力供應，解決事故 。
是次事故再次反映社區力量 與政府部門嘅緊密合作 ，喺民生事上實踐「民政幫到你」精神 ，減低緊急事故對居民所構成嘅影響 。
@