@ 
油尖旺民政處、區議員、關愛隊以至「三會」一直關心一周前旺角一單位三死一傷火警，大家守望相助。
油尖旺關愛隊幾支小隊輪流留守大廈至凌晨恢復電力，期間除咗裝臨時照明，富柏隊隊長兼防火委員會委員張文廸安排兩部流動除味機，吸走濃煙味。
傷者婆婆傷勢好轉後，油尖旺民政專員余健強、區議員楊子𤋮同旺角南隊長何卓峰喺社署安排下一齊去醫院探佢，仲撞見都去探婆婆嘅消防員。
防火會委員潘小燕原來識咗婆婆三十年，佢安慰婆婆之餘仲幫手聯絡家人。
旺角南關愛隊今日（7/8）第二次入火警單位，幫手清理現場，余專員、食環署旺角區環境衞生總監莊宏偉、楊議員、油尖旺北分區委員會主席歐天賜等都有幫手。
民政處就繼續同大廈保持聯絡，就法團召開會議，跟進大廈保險及維修等事宜提供意見。
法團出信，感謝各部門、區議員同關愛隊幫忙。
