@ 
荃灣區青年發展及公民教育委員會喺啱啱過去嘅周末（1/8-3/8） ，舉辦咗3日2夜嘅交流團。荃青會委員葉文龍帶領16位荃灣區中學嘅同學仔 乘搭高鐵 前往大灣區嘅廣州同東莞，展開充實嘅學習之旅 ！
適逢今年喺中國人民抗日戰爭暨世界反法西斯戰爭勝利80周年同埋東江水供港60周年，荃青會特別安排同學仔參訪廣東東江縱隊紀念館及東深供水工程紀念公園，深入了解抗日先烈嘅英勇事蹟 ，以及國家對香港水資源嘅支持同關懷 。
同學仔亦參觀咗多個與大灣區歷史、文化同科技發展相關嘅景點 ，例如鴉片戰爭博物館、廣州市第四資源熱力電廠科普教育基地、廣州變電站科普中心、荔灣非遺傳承中心、荔灣博物館、永慶坊同粵劇藝術博物館等；佢哋仲去咗創享灣 TIMETABLE 粵港澳青年創業基地，同幾位喺當地就業嘅港澳青年交流 ，了解佢哋點樣受惠於支持佢哋投身於大灣區創業同就業嘅政策，以及三地青年生活上不同嘅習慣 。
「一脈相連，飲水思源；八秩銘記，勝利彌新」 ，荃青會希望香港嘅青年人能夠深刻體會東江水供港嘅歷史意義及國家為保障供水所付出嘅努力 ；同時亦銘記抗戰精神，自強不息 ，將來喺唔同嘅崗位建設香港，貢獻國家 。
