@ 
最近，基孔肯雅熱喺全球多個地區案例急升，香港亦已出現數宗輸入個案 ，情況令人關注。
為咗提升市民嘅防蚊意識 ，以及幫助大家了解即將喺17/8生效嘅《2025年公眾衞生及市政（修訂）條例》，黃大仙民政專員Thomas聯同食環署黃大仙區環境衞生總監歐家樂、一眾黃大仙區議員同黃大仙區關愛隊今日（7/8）喺慈雲山毓華街及毓華里一帶進行宣傳活動 ，向市民派發宣傳單張，講解防蚊及滅蚊資訊同《修訂條例》中主要修訂 。
防治蚊患要做得好 ，實有賴各界嘅持份者，包括公私營機構嘅防治蟲鼠從業人員、場地管理者以及市民大眾嘅通力合作 。大家可以喺出門前噴上含避蚊胺或其他有效活性成分嘅昆蟲驅避劑，有效防止蚊叮。同時，大家亦要記得定期清除積水同垃圾 ，減少蚊蟲滋生嘅機會！
此外，《修訂條例》會加強食環署嘅法定權力及提升阻嚇力，從而更有效地處理樓宇滲水、冷氣機滴水 、「垃圾屋」、蟲鼠滋生 、雜物霸佔公眾地方、店鋪阻街、非法展示或張貼街招等各項問題，改善社區環境，切實排解民生憂難。
黃大仙民政處會持續與各相關部門攜手合作，到區內不同地點發放防蚊資訊。同時，民政處亦希望大家知法守法 ，共同維護公共地方嘅環境衞生，共建一個更潔淨宜居嘅黃大仙社區 ！
@