@ 
四川交流團話咁快就嚟到last day ，每個會員都依依不捨咁執拾行李，準備返香港啦~一齊回顧返呢五日四夜嘅精彩行程啦 ！
Day1 初到步天府之國-四川，激勵人心嘅啟動禮為交流團正式拉開序幕，少訊們有機會品嚐豐富嘅川菜 及見識「非遺」嘅國粹 「川劇」變臉表演，漫步 「寬窄巷子」，感受成都夜色煙火氣
Day2，遊覽國航C919客機嘅生產基地，見識國航工業硬實力以毅力創出新突破。另外，更參觀世界聞名嘅 「三星堆博物館」 ，所謂「沉睡數千年 、一覺驚天下 」 ，作為20世紀人類最偉大考古發現之一，大家能一覽中華數千年前嘅青銅器工藝 與了解祭祀文化！再夜遊 「錦里古街」，漫步古樸建築 ，亦能為家人好友送上真.川味手信
Day3 參觀綿陽市 「兩彈城博物館」，深切感受「兩彈」技術從0到超越嘅艱辛之路，明白「兩彈一星」 精神嘅核心價值。
另外，少訊仲走訪 「四川文化藝術學院」 ，除參觀校舍外，仲同一班當地同學，以「畫」會友，互享兩地方言，交換明信片，攜手共遊 科技城新區「雲」展廳，了解最新機械自動化技術。晚飯仲一齊品嘗川味火鍋，成為老best就係咁easy
Day4 嚟得四川，一定要嚟都江堰中華大熊貓苑，睇可愛嘅國寶熊貓，影相打卡。
仲參觀都江堰水利工程，一覽2300年前嘅水利工程技術，以內外兩江實現「四六分水，二八排沙」， 乾旱時能灌溉暴雨時可排洪，見識古人治水嘅智慧。最後，不忘遠赴映秀 5.12四川汶川地震遺址，為17年前地震逝去的罹難者默哀及獻上鮮花。
Day5，嚟到行程嘅最後一日，大家都要收拾心情返港 ，一路上少訊們都互share相片與回憶，大家除咗知識上有所得，亦學識咗團隊合作、互相照顧，仲建立咗深厚嘅友誼。
