@ 
1.尋日（9/8），民政及青年事務局 Home and Youth Affairs Bureau局長麥美娟嚟到尖沙咀文化中心露天廣場，為九龍婦女聯會同油尖旺民政處合辦嘅「家風傳承愛」活動做主禮嘉賓。
麥局長致辭時表示活動和應咗民青局同家庭議會提倡注重家庭、家教及家風建設嘅工作。
家庭議會將今年宣傳運動主題深化為「家·承傳愛」，以「建立穩固家庭關係、樹立良好家教家風」作為宣傳嘅重點，讓「愛」成為家庭嘅凝聚力，讓「傳承」成為對下一代嘅祝福。
九龍婦聯會長陸海致辭提到婦聯多次破健力士世界紀錄 ，其實近三年嘅兩次破健力士世界紀錄活動係由油尖旺民政處贊助，包括今日表演嘅愛國手勢舞。
活動仲預祝國慶，有多個以國家為主題嘅攤位。宣傳車之後一星期會巡遊九龍。
其他主禮嘉賓一樣穿上華服，包括中聯辦九龍工作部副部長賴建華，及政制及內地事務局副局長胡健民。油尖旺民政專員余健強同九龍其他民政專員、助理專員都有出席。
2.另外，余專員尋日（9/8）一早去咗高鐵西九站，為一班區內少數族裔青年送行。佢哋出發去廣東河源，了解東江水供港60年嘅歷史同意義。
交流團由新家園協會主辦、油尖旺民政處及歐楚筠議辦等支持。團員好多都善用非中國籍港澳居民回鄉證，亦做咗防蚊措施。
@ 