@ 
由香港極限運動聯會主辦，北區青年發展及公民教育委員會及北區民政處合辦，並由香港賽馬會及政府資助計劃贊助嘅「北區極限運動同樂日」9/8順利舉行，係粉嶺安樂門街遊樂場開幕後嘅首個大型活動。遊樂場嘅碗型同街式設施都達到國際級標準架。
署理北區民政專員陸薇君、北區青年發展及公民教育委員會主席羅震豐、副主席葉藍蔚、香港賽馬會對外事務高級經理杜潔明同一班委員亦有到場支持，一齊欣賞極限運動表演 同埋滑板/花式滑板車比賽，大家都睇到拍爛手掌。
表演嘉賓星光熠熠 除咗有香港滑板界無人不曉，有香港滑板一哥之稱嘅陸俊彥表演示範外，大會仲請左曾經喺2018 年代表香港喺韓國春川國際極限運動錦標賽滑板車公園賽勇奪金牌嘅Alex Buffery、前港隊滑板及特技直排滑輪教練杜家浩等等黎表演 。活動仲設有滑板/滑板車體驗環節 ，希望藉着今次活動可以推動北區嘅極限運動發展 ，令更加多人認識呢項咁有挑戰性嘅運動！
