@ 
今個暑假 ，超過100位嘅「成功有約」學員去咗體驗成為「職場新人」，了解職場環境及親身體驗工作實況！
喺「入職」前，屯門民政處同屯門區青年發展及公民教育委員會安排咗前期訓練課程，教導一班年輕嘅學員返工小貼士，例如選擇合適嘅衣着、恰當地自我介紹嘅方法、一般辦公室文化、溝通技巧，提高學生適應唔同環境嘅能力，隨時迎接挑戰！
近日，學員分別去到唔同機構體驗，行業遍及城市規劃、醫療科技、教育、法律、資產管理、金融貿易等，感謝各大企業及委員協助安排多元化職位，亦安排人員指導學員並提供協助。
學員喺分享會上都踴躍分享佢哋「返工」嘅得着及難忘時刻，仲話呢次經驗豐富咗佢哋嘅生活體驗，仲對之後升學同生涯規劃得到唔少啟發。
