@ 
為慶祝國家成立76周年以及香港回歸祖國28周年，由粵港澳大灣區國際教育交流協會主辦、黃大仙民政事務處合辦同贊助嘅「黃大仙弦墨頌」系列活動喺今個周末(9-10/8)圓滿舉行 ！呢個活動係本區日夜都繽紛系列之一，結合咗音樂同非物質文化遺產元素，希望推動青年喺音樂與文化領域嘅交流 ，同時弘揚中華文化嘅傳承。
活動首日(9/8)，香港青年樂團率先喺黃大仙中心北館為大家帶來精彩嘅弦樂快閃活動 ！
今日(10/8)，黃大仙民政專員Thomas、粵港澳大灣區國際教育交流協會創會榮譽主席鄭文德、協會主席周燕華以及香港東方書畫院院長梁君度蒞臨黃大仙中心北館擔任主禮嘉賓。此外，本區區議員、「三會」委員、青年發展及公民教育委員會以及青年社區建設委員會嘅成員亦到場支持！
節目內容豐富，有音樂神童之稱嘅少年小提琴演奏家黃凱軒(Travis)獨奏經典名曲 、香港青年樂團獻上精心編排嘅交響樂章，仲有Travis與香港青年樂團合奏，實在係餘音繚繞，令人回味無窮。現場更有英歌舞表演 為觀眾帶嚟視覺同聽覺嘅雙重享受。場內亦設有多項中華非物質文化遺產嘅展覽，包括漆扇書法 、千年唐宋非遺金漆木雕及嶺南文化珠繡，讓大家體驗到非遺文化嘅獨特魅力 ！
黃大仙民政處會繼續聯同地區團體舉辦更多青年發展及文化推廣活動，大家繼續支持我哋呀！
@ 