@ 
署理離島民政專員莫望塵8/8連同離島區議會轄下嘅食物環境衛生委員會主席何紹基、新社聯離島地區委員會主席祝慶台、區議員、同東涌北關愛隊 、以及區内嘅熱心義工，積極響應食物環境衞生署舉行嘅滅蚊宣傳活動。
大家喺東涌新市鎮嘅迎東邨同埋裕雅苑等地點，向街坊派發宣傳單張 及蚊怕水，提醒街坊預防蚊叮，並清理積水，一同杜絕蚊患 。
基孔肯雅熱係一種經蚊子傳播嘅傳染病。為咗有效作出預防，大家記得特別注意環境衛生，保持家居清潔 ，定期檢查並清理積水，穿着淺色長袖衣物，使用適當嘅蚊怕水，減低畀蚊叮咬嘅機會 ！
離島區民政處會繼續聯同區議會、關愛隊同地區團體等單位，與食環署攜手合作，配合署方一連多日嘅滅蚊防蚊宣傳，一同守護市民健康！
