@ 
為預防蚊傳疾病基孔肯雅熱 ，深水埗民政處夥拍食環署、南昌中小區關愛隊昨日（11/8）巡視區內「三無大廈」 ，展開一系列防蚊行動 ，希望透過多管齊下嘅措施，加強滅蚊宣傳教育工作 。
昨日早上，深水埗民政專員王浩宇同食環署深水埗區環境衞生總監黃偉能及關愛隊，先到大廈天台視察食環署同事清理大型植物盆栽 同埋處理容器 嘅積水 ；而關愛隊嘅清潔承辦商就幫忙棄置天台及梯間廢棄垃圾 ，以阻斷蚊蟲滋生。食環署同事及關愛隊亦都喺當眼位置張貼海報，提醒街坊唔好對基孔肯雅熱掉以輕心 。
為提高街坊嘅防蚊意識 ，專員聯同食環署同事及關愛隊，一齊探訪少數族裔家庭同基層家庭，派發蚊怕水同日常防蚊小貼士單張 畀佢哋，呼籲大家記得做好防蚊措施 ，同埋保持樓宇環境嘅整潔衞生。
深水埗民政處會繼續加強同區議會、關愛隊及各政府部門嘅協作 ，積極推展防蚊工作，齊齊守護居民健康，為大家締造一個舒適安全嘅生活環境 。
@ 