@ 
連日暴雨️加速雜草及蚊蟲滋生，爲預防傳播基孔肯雅熱等疾病嘅風險，大埔民政處連續兩日（11/8及12/8）組織具針對性嘅跨部門行動，於區內多個地點進行防治蚊蟲及改善排水工作，全力防患於未然。
大埔民政處「地區主導行動計劃」安排大埔民政處工程組、食環署、康文署及渠務署，於同秀坊、麻布尾及西貢北官坑村一帶進行剪草、清渠，以及放置蚊沙、噴灑蚊油等防蚊工作。渠務署代表亦協助簡介暴風雨過後所進行嘅應對工作 。大埔民政專員陳巧敏、聯同大埔區議員、大埔及西貢北約鄉事委員會視察部門工作，並派發防蚊宣傳單張及防蚊包，提高大家嘅防蚊意識。
大埔民政處同渠務署攜手安排人員走訪洞梓、元嶺、南華莆及坪朗等七個早前受水浸沖擊嘅地點，跟進渠道附近嘅除草之外，亦同受影響居民深入了解情況，研究盡快推展鄉郊改善排水工程！
除咗上述嘅現場試察，因應大埔錦山日前出現一宗登革熱輸入個案，食環署人員已即時喺個案患者住所250米範圍內進行病媒調查及針對性滅蚊工作 ，包括消除蚊子滋生地及潛在滋生地，施放殺幼蟲劑等。各相關部門亦會喺轄下場地及處所持續進行蚊患預防及控制工作，以加強防控效果。
大埔民政處會繼續聯同各部門、區議會及鄉事委員會，在區內積極推動改善環境及防蚊工作 ，為市民提供一個安全舒適嘅社區，守護大家嘅健康。
