@ 
6-10/8，深水埗民政處青年網絡「深青躍動」20位區內學生以中國人民抗日戰爭暨世界反法西斯戰爭勝利80周年、保育及城市發展為主題，展開咗五日四夜嘅成都同重慶交流考察之旅。
其中一個最難忘嘅行程，莫過於同學們可以入場親身觀賞世運會開幕式。當香港隊揮旗及國家隊壓軸進場嘅一刻，大家都好自豪地為運動員熱烈歡呼！
其他重點行程包括喺中國大熊貓保護研究中心近距離睇可愛嘅國寶大熊貓，親身感受國家如何保育及發展熊貓文化，推動熊貓經濟。團員更與駐成都經貿辦主任進行交流，了解政府如何協助華南地區嘅港商及留學生，同時吸引內地人才來港發展。
適逢抗戰勝利80周年，同學參觀咗位於重慶嘅渣滓洞集中營、白公館同重慶大轟炸遺址博物館，緬懷先烈，認識正確抗戰歷史，並到訪人民解放紀念碑，向眾獻驅烈士致敬，學習其堅毅精神。
體驗中華魅力方面，同學亦夜遊成都都江堰古城區同春熙路太古里，品嚐地道鴛鴦火鍋，欣賞川劇變臉表演，又參觀三星堆遺址博物館同西村大院，學習文旅經濟。而重慶嘅十八梯歷史區、李子壩「列車穿樓」奇景及洪崖洞十分壯觀，真係不枉此行啊！
交流團已圓滿結束，團員會喺月底分享會上就蜀渝文化、歷史、保育同城市發展分組進行匯報，記得留意到時嘅post喇！
@ 