@ 
暑假開始喇！同學仔有咩搞作呢？荃灣民政處轄下嘅荃灣區青年服務團今年推出「短期職業體驗計劃」，安排同學們喺8月進行為期四日嘅職業體驗 。
「短期職業體驗計劃2024 」得到多間公司及機構大力支持，提供近30個體驗崗位，涵蓋會計 、法律 、醫療 、金融 、時裝 、社福及公共服務 等行業，畀學員有機會跟隨業內人士學習，更可深入了解不同行業，為未來學業及就業作好規劃 。
活動啟動禮7月31日舉行，荃灣民政專員區家盛同各協辦機構代表到場支持，仲同參加者交流心得添 ！同場亦特別邀請咗兩位嘉賓分享，分別有知名會計師行合夥人分享個人成長經驗同行業喺大灣區嘅機遇；仲有90後青年人分享喺生物科技行業創業嘅故事。兩位講者嘅分享都能啟發青年更好地思考未來，為生涯規劃作好準備 。各參加學員亦喺分組時間與各機構代表積極交流，了解職場各種情況，為喺實習期間有更好表現作預備 。
參與計劃嘅同學都覺得今次職業體驗機會難得，急不及待想快啲開始實習體驗，開開眼界！希望各同學積極投入職業體驗過程，把握機會學習及爭取好表現 ！
@