@ 
由元朗青年網絡計劃主辦、四川省僑聯青年委員會支持嘅「四川成都熊貓經濟交流計劃」5日4夜交流團已經喺12/8圓滿結束！今次交流團嘅行程內容豐富，一班嚟自元朗區嘅中學生走進「天府之國」 ，親身感受蜀地文化，認識國家嘅最新發展。
同學首站前往位於成都人民公園川軍抗日陣亡將士紀念碑，認識中國人民抗日戰爭暨世界反法西斯戰爭勝利80周年嘅歷史 。隨後，同學拜訪咗香港特區政府駐成都經濟貿易辦事處，了解佢哋點樣利用香港「背靠祖國，連通世界」嘅優勢，促進兩地經貿合作，協助內地企業打入世界市場。
交流團嘅重點行程包括參觀成都大熊貓繁育研究基地 ，探討成都發展「熊貓經濟」嘅成功之處。同學仲參觀咗著名嘅都江堰水利工程 ，並從中反思東江水供港設施等國家水利工程嘅重要性。
其他行程仲包括到訪當地嘅博物院 、觀賞川劇變臉 、體驗製作傳統香牌等，等同學親身感受巴蜀文化 。此外，同學到訪咗港商喺內地設立嘅工業園區，了解港商點樣善用內地機遇 ，壯大自身之餘 亦貢獻國家發展 。適逢第12屆世界運動會喺成都舉行 ，同學更有幸入場觀賽，為國家隊運動員打氣 。
通過今次四川之行，同學認識到祖國同四川嘅歷史文化同現況 ，加深咗國民認同感 。參加者之間亦建立了友誼 ，獲益良多 。元朗區青年網絡會繼續為區內青年舉辦不同活動，推動青年發展！
@ 