@ 
12/8，沙田民政處聯同沙田區議會及沙田區關愛隊，一同響應食環署呼籲，喺沙田街市舉辦宣傳活動 ，向市民提供各方面有關防蚊嘅信息 ，以應對近期基孔肯雅熱社區傳播風險 。
活動期間，沙田區民政專員余懷誠、沙田區環境衞生總監葉競、一眾沙田區區議員、關愛隊成員、及沙田民政處、房屋署、康文署同食環署同事，一齊向公眾派發防蚊嘅宣傳單張 ，令市民可以更加深入認識基孔肯雅熱，並提醒市民採取防蚊措施。
基孔肯雅熱唔會透過社交接觸人傳人 ，但只要比蚊叮，就有機會感染 。所以大家記得定期檢查同清理家居 及周圍嘅積水，防止蚊蟲滋生。喺戶外活動時記得穿著長袖衣物，使用有效嘅防蚊產品，以降低被叮咬嘅風險。市民外遊回港後如果出現基孔肯雅熱症狀，應該盡快求醫 ，話畀醫生外遊細節。
沙田區民政專員余懷誠感謝社區人士積極配合食環署嘅工作，提高公眾對防治蚊患嘅意識 。防蚊工作係全社區嘅責任，希望大家做好防蚊措施，一同守護健康生活環境 。
