@ 
因應本港錄得基孔肯雅熱輸入個案 ，為咗提高市民同社區嘅防蚊意識，葵青區議員聯同石籬南小區關愛隊由9/8起，一連三日喺小區內多個關鍵地點設置街站 ，向街坊派發食環署嘅防蚊資訊單張，並宣傳衞生防護中心有關預防基孔肯雅熱嘅資訊 。
石籬南關愛隊亦喺11/8舉辦防蚊資訊講座，由食環署潔淨及防治蟲鼠組為街坊介紹防蚊措施。葵青民政處、區議員同屋邨物業管理公司代表都有到場支持 。食環署向居民講解定期清理盆栽同冷氣機積水嘅重要性 ，呼籲大家齊心保持環境衞生，避免蚊蟲滋生
基孔肯雅熱小知識
基孔肯雅熱主要透過蚊子叮咬 傳播，潛伏期為 至 日，感染後會出現高燒、嚴重關節痛、肌肉疼痛、紅疹等常見症狀 ！症狀通常係自限性，持續數天，但部分患者嘅關節痛可能會持續數月，甚至數年。因此，防蚊措施不可少！
大家要提高警覺 ，進行戶外活動時，記得做好個人防蚊措施，外露嘅皮膚同衣服要塗上含避蚊胺（DEET）成分嘅昆蟲驅避劑，減低畀蚊叮咬嘅機會。同時，亦要留意家居衞生，定期清理積水 ，防止蚊子繁殖！
葵青民政處、區議會、關愛隊，會繼續與各政府部門緊密合作 ，喺社區宣傳防蚊資訊 。屋邨辦事處同物業管理公司亦會加強防蚊滅蚊措施 ，積極防控蚊患，避免基孔肯雅熱等疾病在社區傳播 。大家一齊努力 ，做好社區防蚊工作，守護市民健康 ！
