@ 
今個暑假，觀塘民政處為區內青年網絡「樂觀派」舉辦「生涯發展及職業體驗計劃2025」。今年計劃再度同各大公司及機構合作 ，企業數目更擴展至25間，行業包羅萬有，體驗真實工作環境 。喺同學仔到各大企業機構體驗之前，民政處特意安排咗三個好實用嘅工作坊畀佢哋裝備自己 ，包括：（1）投訴/衝突處理技巧工作坊、（2）面試儀容（化妝 、髮型）衣著 及配搭工作坊，以及（3）面試技巧及模擬面試工作坊 。
同學仔整裝待發後，最近就到咗以下嘅企業體驗工作：
1、中國聯通國際有限公司 ： 學員喺24/7去到中國聯通（香港）將軍澳智·雲數據中心進行企業參觀，深入了解國家級數據中心，揭開雲端數據庫嘅神秘面紗 。除咗有機會一睹無人機系統如何巡查基站，提供應急工作之外 ，更於工作坊親身體驗接駁數據線嘅技術難度 。學員驚嘆國家嘅數據通信技術發展一日千里，更理解到國家社會穩定及經濟發展嘅關鍵所在。
2、旺角維景酒店、九龍維景酒店、灣景國際、城景國際 ：今年民政處再度得到4間酒店鼎力支持 ，為學員提供前台部 、餐飲部 、房務部 及迎接禮賓 嘅工作實習。學員有機會落手落腳學習如何為酒店住客提供無微不至貼心服務 。過程雖然充滿挑戰，但得到爆棚嘅成功感 。
3、香港中樂團 ： 學員於25-26/7喺香港文化中心協助籌備展覽活動，喺現場為觀眾分流 及拍照，亦為香港中樂團於音樂會開場前作準備 ，親身體驗到如何專業地籌備音樂會
再次感謝上述公司為青年提供學習機會。一班樂觀派學員喺呢個暑假仲有其他難忘嘅經歷同體驗，記得密切留意我哋下次嘅介紹喇 ！
