@ 
大埔區青年網絡直立板義工團尋日（15/8）特別聯乘十四鄉青年會，約20位熱血 義工無懼風雨 ，由西貢北企嶺下新圍出發，划住直立板 去到西貢北一帶展開紅樹林 淨灘行動。一班義工落力用雙手清理附近嘅垃圾並將收集到嘅廢物分類 ，再交畀綠在區區回收 ，用汗水同行動證明，保護大自然 由你我做起 ！
唔少義工團成員剛剛於8月初完成直立板訓練 已經划得有板有眼 ，並喺今次淨灘活動中大展身手，大家落力執拾早前因颱風 同暴雨 沖刷上紅樹林嘅垃圾。呢次活動體驗尤富意義 ，因為紅樹林係海岸天然屏障，能淨化水質、保護生物 多樣性、抵禦風浪，具有極高嘅生態價值 ！
未來兩個月，浪系義工團仲會喺大埔同西貢北嘅海岸 繼續進行清潔行動！如果你都想加入呢個有意義嘅活動 ，快啲透過民青局最新手機apps HKYouth+ 報名啦！亦可即刻WhatsApp我哋 6278 0733 查詢詳情！一齊為大自然出力