@ 
大埔區青年網絡夏日活動浪 接浪 ！為熱烈歡迎大青新成員，剛剛喺4月成立嘅大埔青網青年幹事會於12-14/8喺香港青年獎勵計劃賽馬會愛丁堡公爵訓練營舉行咗3日2夜迎新營 ，同咁多位新朋友一齊揮灑汗水 過充滿活力嘅暑假 。
大埔民政專員陳巧敏、青年領袖工作小組召集人梁中明以及海陸空義工團工作小組召集人張育文親臨支持 80位活力澎湃 嘅大青成員，參與各項由幹事會同組長們 悉心策劃嘅活動，包括： 1帶領大家體驗匹克球、圓網球同埋地壺球等新興運動 、 2舉辦需要扮演唔同角色 ，有唔同情景考驗你嘅反應 同判斷力 嘅模擬人生活動、 3由大埔區關愛隊林村谷小區隊長張育文為大家分享嘅林村導賞講座 ，大家仲可以一齊參與大埔傳統節慶活動喺林村許願樹 拋寶碟同誠心許願 ，有機會體驗舞麒麟、以及 4探索 大埔區各個特色景點，需要與各組鬥智鬥力嘅城市定向 活動等等。各項活動促進團隊合作、提升自信 、發放正能量 ，從而培養大家嘅正向人生觀 ！
今屆青年幹事會共22位來自區內中學同就讀大專嘅成員，親自策劃豐富同具地區特色嘅行程 ，動靜兼備，活動統籌得有板有眼 ，各位幹事都喺營中搵到自己最佳位置發光發熱 ！經過 日嘅體驗，新成員正式加入大青大家庭 ，仲結識咗好多新朋友 ，為接下來一年嘅大青活動拉開序幕 ！
大青日後仲有好多精彩嘅活動，等緊你哋參與 ！記得留意 大埔區青年網絡Facebook同IG呀
@ 
@