@ 
為咗提高荃灣區居民對家居防火嘅關注 ，同埋推廣應急知識 ，荃灣民政處聯同消防處16/8喺荃灣海濱花園舉辦咗「防火應急同樂日」 。活動內容豐富 ，又有攤位遊戲玩 ，又可以換領紀念品 ，居民 更可以學到唔少防災應急知識添 ！小朋友著上消防員制服 ，變身「小小消防員」打卡 ，仲可以登上救護信息教育車 ，學習心肺復甦法（CPR） ！消防員仲示範點用消防喉轆，同介紹「防火3寶」 — 滅火筒 、 滅火氈同 獨立火警偵測器 。
荃灣區關愛隊亦「荃」力支持活動，派員支援政府喺地區工作及加強地區居民網絡 ，充分發揮「民政幫到你」精神 ！關愛隊嘅工作得到各界認同，更加獲荃灣區議員、荃灣區防火會、荃灣南分區會委員及區內居民 大力支持 。大家都身體力行，踴躍出席，向居民宣揚防災應急信息 ，提高居民對消防安全嘅認識同應對能力 。
展望未來 ，關愛隊會繼續致力促進社區嘅鄰里關係 及協助政府推廣地區工作 ，並迅速 於突發事件中發揮支援角色 。
