@ 
今日（16/8），黃大仙民政專員Thomas嚟到位於樂富廣場嘅「領展可持續未來館」，參與由中國香港文化體育旅遊協會及世界永續領袖峰會合辦 嘅「未來青年永續領袖峰會」 ，與一班朝氣勃勃嘅年青人以及來自各行各業及世界各地嘅頂尖講者齊聚一堂，互相交流同分享經驗 。
今次峰會嘅主題圍繞「ESG」，即係代表環境保護（Environment） 、社會責任（Social）同公司治理（Governance）。「ESG」概念同青年發展息息相關 ，年青人如果能夠掌握呢套概念，無論喺策劃學校及社區活動，或將來投身社會嘅時候 ，都可以將其融入其中，同時展現對社會嘅承擔同前瞻視野 。
黃大仙民政處聯同黃大仙區議會亦會將「ESG」融入已制定嘅「WTS工作計劃」 ，包括幸福感 （Wellness）、文化推廣 （Tradition）以及可持續發展 （Sustainability）。
黃大仙民政處會繼續與地區團體攜手合作 ，建構更多元化嘅學習及交流平台，支援青年人發掘個人興趣及潛能，並且栽培更多有遠見、有承擔嘅領袖，帶領社會走向可持續嘅未來 ！
@ 