@ 
上星期六（16/8），建設健康九龍城協會、九龍城民政事務處、相達生物科技、九龍城基層醫療委員會、九龍城地區康健站及九龍樂善堂喺紅磡社區會堂合辦咗「子宮頸癌免費篩查服務及婦科醫生講座2025」第二階段篩查活動，希望提升社區對子宮頸癌嘅警覺性，鼓勵女性參加定期篩查，從而降低癌症嘅發病率，促進婦女健康。
活動吸引超過200人參加，當中包括不少少數族裔婦女。九龍城民政專員蔣志豪、社會福利署九龍城及油尖旺區福利專員林綺梅、相達生物科技首席財務官周駿軒、醫務衞生局基層醫療署總經理劉美德、婦產科專科醫生林立寶、九龍樂善堂主席李培埡都有到場支持。居民、醫療專業人士及義工齊心參加活動，場面非常熱鬧。
活動免費為參加者提供嶄新、簡單易用嘅子宮頸癌篩查檢測體驗。有別於傳統嘅抹片檢測，參加者可以自行採集尿液樣本，嚟測試可致癌高風險HPV病毒。全程無痛無創、私隱度高，令佢哋可以享受科技進步帶嚟嘅安心與便利。除此之外，參與者都認為講座令佢哋了解如何預防子宮頸癌，更明白及早發現病症嘅重要性。
是次活動唔單止提高公眾對女性健康嘅認識，亦促進咗社區成員之間嘅交流。九龍城民政處會繼續同社區各界攜手，舉辦更多相關活動，推動女性健康嘅關注同行動。
@ 