@ 
1.油尖旺民政處同九龍總商會連續三年合辦青年節，今個周末一連兩日，再次返到旺角麥花臣運動場舉行。
油尖旺民政專員余健強及九龍總商會理事長袁家樂歡迎主禮嘉賓：署理民政及青年事務局局長梁宏正、中聯辦九龍工作部副部長李文彬及立法會議員邵家輝、鄭泳舜、梁文廣、李鎮強及陳凱欣。
巴黎殘奧銀牌得主陳浩源、同氣槍實用射擊青年組世界冠軍溫竣然都到場同青年分享。
青年節有多項地區團體嘅表演同攤位，仲有民青局攤位，油尖旺青年網絡成員幫手介紹HKYouth+。
2.尋日（23/8），油尖旺民政處同中華倫敦協會，喺座落區內嘅理工大學，合辦時尚多元文化時裝分享會。
協會主席劉倩婷請咗三位時裝界名人何國鉦Dorian、朱潔麗Noel同任朗呈Mountain同青年講時裝、講設計、講生涯規劃。
超過10名理大同香港知專設計學院學生展示佢哋以多元文化及水為主題嘅設計，紀念東江水供港60周年。
3.九龍青年聯席會議尋日就喺旺角西洋菜南街擺街站，介紹東江水供港歷史。余專員同聯席會議首任召集人梁毓偉議員及現任召集人連州杰等―齊去派宣傳品。
4.之前，聯席會議喺油麻地會址舉行生涯規劃座談會，油尖旺民政助理專員嚴卓晞同區議員李家軒分別介紹工作。
@ 