@ 
21/8，超過300位青年運動員齊集車公廟體育館 ，喺暑假結束前，一齊參加3x3籃球挑戰賽 ，以活力 同汗水 迎接今年11月舉行嘅全運會 。
沙田民政處、沙田體育會及心意習特意合辦 全運籃球躍動@沙田之三人籃球挑戰賽 ，為香港承辦今屆全運會籃球賽事預熱氣氛！賽事分為U12、U15和及U18男女子組，超過60支勁旅參加比賽，學界精英齊集沙田，爭奪冠軍寶座 ！
沙田民政助理專員鍾碩華專程到場為同學打氣，佢鼓勵大家多做運動 ，以體育交流推動社區共融 ，同心協力辦好呢個高水平體育盛事 。除此之外，沙田體育會會長韋國洪、主席何日明亦聯同多位副主席及董事出席頒獎典禮，身體力行支持全運會 。
所有賽事組別已決出冠亞季軍 及即場選出最有價值球員 。除咗精彩嘅比賽，現場仲有花式入樽表演、政制及內地事務局嘅「完善選舉制度」攤位遊戲等，令教練、球員、家長同其他參與者收穫滿滿，為暑假留下美好回憶 。
