衝浪興趣班@離島區青年發展網絡

離島區青年發展網絡早前（19/8）舉辦咗衝浪興趣班 ，當日50位學員齊集長洲參與活動，場面熱鬧非凡。

喺活動中，專業衝浪教練首先向大家介紹衝浪嘅基本知識同安全措施，包括趴板同企板 。大家喺教練嘅指導下學習喺水上面平衡、跪坐同站立，由最初緊張不安，到逐漸可以喺浪上滑行，感受衝浪嘅刺激同快感 ！

部分特別有天分嘅學員仲挑戰更高難度嘅動作，例如跳起同轉板，在旁圍觀嘅學員都忍唔住鼓掌喝彩 ，氣氛熱烈，大家都玩得好開心同盡興 ！

離島區青年發展網絡未來仲有更多精彩活動，敬請期待！