@ 
大埔區青年網絡策劃委員會同大埔區青年發展及公民教育委員會合辦嘅「大埔職業博覽Job, On Your Mark！」，22/8於香港管理專業協會及賽馬會鼓掌·創你程計劃（CLAP@JC）隆重推出嘅「Catalytic Impact Award in Career and Life Development」上榮獲奬項嘉許，肯定咗大埔區喺青年生涯發展上推動學校、企業、非牟利機構等多方面嘅啟發性合作，幫助香港青年為不斷變化嘅職場做好準備！
頒奬禮上，大埔民政專員暨大埔區青年網絡活動策劃委員會主席陳巧敏、大埔區青年發展及公民教育委員會(2023-25)郭永強主席，大埔區青年活動籌劃委員會（2023-25）郭凌雲副主席聯同大埔區青年發展及公民教育委員會青年發展活動工作小組召集人陸澤銘代表團隊接受「Excellence in Cross-Sectoral Collaboration to Shift Paradigm」獎項！ 。呢個獎項標誌住活動喺政、商、學、社福跨界別嘅協作卓越，喺全港眾多參賽計劃中脫穎而出 ！評審主要考慮活動能否持續用創新方法成為青年生涯規劃教育嘅領航者及獲得專家認可，亦有賴專員率領區內持份者全情投入跨界協作 。
「大埔職業博覽」由香港青少年服務處承辦，專為大埔區內嘅高中學生而設，幫助佢哋提早了解唔同行業 。除咗請來星級嘉賓 向同學仔分享職涯心得，更邀請超過30個唔同行業嘅專業人士同學生互相交流，協助青年發展才能，為未來邁向社會早作裝備。
今年我哋會繼續推動生涯發展 為青少年提供更多元化嘅職業探索機會 「大埔職業博覽2025」將於12/12舉行！期待到時見到咁多位同學仔啦！
