@ 
為預防基孔肯雅熱，杜絕蚊患，屯門民政處22/8響應食環署嘅防治蚊子宣傳活動，喺屯門蝴蝶廣場與居民分享防蚊訊息。
基孔肯雅熱經蚊傳播，最佳預防方法就係杜絕蚊患 。屯門民政專員關可臨、屯門區環境衞生總監馮冠宇、房屋署代表以及多位屯門區議員與居民分享交流防蚊訊息 ，提醒居民保障自己同家人健康 。食環署代表亦向市民匯報區內最新嘅蚊患監測及防治工作情況 ，並展出新型防蚊工具「In2Care」，令大家更了解政府點樣積極應用科技保障社區衞生，使滅蚊工作更有效率、更具針對性。
其實屯門民政處一直主動推動區內嘅防蚊工作 ，包括定期於區內鄉郊地帶進行剪草及潔淨工程，亦喺屯門區「地區主導行動計劃」下，由食環署額外聘用滅蚊隊加強控蚊工作。
但係要有效防治蚊患，單靠政府部門嘅力量並不足夠，更需要每位市民一齊知多啲、做多啲 ，合力完成家居嘅防蚊工作。所以，活動除咗防蚊單張外，我哋亦向市民派發蚊怕水同手巾，鼓勵大家將防蚊訊息分享畀身邊嘅親戚朋友。
防治蚊患工作需要持續進行，屯門民政處呼籲市民保持警惕，定期清理積水 ，杜絕蚊隻滋生根源。各部門亦會繼續合作 推動防蚊工作，降低蚊傳疾病風險，共建更健康嘅居住環境。
