@ 
由文化體育及旅遊局 Culture, Sports and Tourism Bureau贊助、西貢區體育會 主辦、西貢民政處、康樂及文化事務署、Tumbler協辦嘅「慶祝中華人民共和國成立76周年西貢區快樂體操暨啦啦隊比賽 」8月24日喺坑口體育館圓滿舉行。
今屆活動有超過410名活力充沛嘅青少年朋友參加 ，互相切磋交流，場面熱鬧 當日由西貢民政助理專員鄭雪情、西貢區副康樂事務經理李智良、西貢區鄉事委員會主席王水生、坑口鄉事委員會主席劉啟康、西貢區體育會會長張萬添、主席麥顯坤、副主席劉偉章及司庫陳潤華擔任主禮嘉賓 ，並頒發獎項予得獎者 ，以表支持。
體操啦啦隊係一項集力量 、技巧同團隊協作於一身嘅運動，當中包括唔少高難度嘅動作 ，例如前空翻及後空翻 。除咗考驗身體嘅柔軟度 、平衡度、靈活度、跳躍力之外，隊員間必須有高度信任，講求默契同團隊合作精神 。今年唔只有來自澳門嘅隊伍，更有幼兒隊與眾西貢區隊伍嘅表演，令人嘆為觀止 ，現場掌聲不絕 期待參加者繼續努力，突破自己。
@ 