@ 
今年係中國人民抗日戰爭暨世界反法西斯戰爭勝利 周年，嗇色園喺尋日（23/8）主辦「和平承續•銘記歷史」——紀念抗日戰爭勝利八十周年祈福和平大法會，緬懷抗戰英烈嘅豐功偉績 ，弘揚愛國主義精神，以及傳遞「以史為鑒、珍視和平」嘅普世價值。
政務司副司長卓永興 WH Cheuk、房屋局局長何永賢 Winnie Ho、署理民政及青年事務局 Home and Youth Affairs Bureau局長梁宏正、黃大仙民政專員Thomas、嗇色園黃大仙祠監院李耀輝（義覺）道長、嗇色園董事會主席黎澤森、全國政協常委暨中國和平統一促進會香港總會會長姚志勝，以及多位嚟自社會各界嘅賢達一同出席典禮 。典禮伊始，全場肅立奏唱國歌，隨後舉行上香儀式及向抗戰英烈默哀致敬 ，表達對先烈嘅無盡敬意與追思。
梁署理局長之後聯同主禮嘉賓隨眾法師向道教神明行三敬禮，並獻上 供（香、花、燈、水、果），以紀念烈士堅毅不屈嘅精神，彰顯出中華民族嘅愛國情懷與自強不息嘅民族氣節 。有不少市民喺鳳鳴樓禮堂觀看直播，或喺線上頻道收看典禮。另外，亦有市民到場領取鮮花 ，向抗戰英雄致敬。嗇色園會將活動捐款悉數捐贈予國家支援英烈遺屬嘅組織(中華英烈褒揚事業促進會) ，傳遞感謝抗戰英雄嘅心意，體現「和平永續・銘記歷史」嘅期許。
黃大仙民政處將繼續與地區團結攜手合作 ，舉辦更多富有意義嘅紀念活動，厚植市民嘅家國情懷，弘揚偉大嘅愛國主義精神，為國家及香港嘅繁榮穩定與發展貢獻力量 ！
歡迎大家瀏覽政制及內地事務局推出嘅中國人民抗日戰爭暨世界反法西斯戰爭勝利80周年紀念網頁 ，當中詳盡介紹咗連串紀念活動，帶領大家「回顧歷史、啓迪今天、開創未來」，共同銘記呢段抗戰史詩。
傳送門：
https://www.80avictory.gov.hk/tc/foreword.html
