全新大埔青網浪系直立板義工團x關愛隊x環保回收

榮獲香港義務工作發展局2024傑出青年義工服務計劃嘅大埔青網海陸空義工團今季再有新猷，全新推出直立板淨灘義工活動！大埔民政專員陳巧敏8月2日聯同大埔區關愛隊西貢北小區隊長李華光，率領20多位大青成員、關愛隊同十四鄉青年會義工，喺大西貢北企嶺下老圍出發，前往大埔西徑村附近紅樹林進行淨灘活動。

大埔區青年網絡早前安排直立板一段章訓練畀大青成員，爲服務做好準備。學識基本技巧嘅大青成員已獨當一面，乘風破浪！佢哋划住直立板，沿企嶺下海欣賞企嶺下老圍及馬鞍山綠野景色，再到紅樹林清潔海岸，將收集嘅物品分類，交畀綠在太和回收。