@ 
繼上次介紹深青躍動嘅同學仔去成都重慶考察後，今次就同大家分享剛剛週六(23/8)嘅分享會。
分享會上，團員們根據不同主題作匯報，分享所見所聞同個人感悟，包括：
1. 國家抗戰歷史 ：同學仔話，喺炎炎夏日走過烈士嘅路，亦喺昔日集中營閱讀一段段無名英雄嘅故事，深深體會先烈如此值得敬仰，親身認識咗正確歷史觀。
2. 國家生態及文物保育工作：團員向我吔談及國寶大熊貓嘅可愛同古蜀文明嘅輝煌及意義，國家喺保育同推廣熊貓文化及經濟嘅努力有目共睹。
3. 城市發展 ：團員們感受到現代與歷史嘅交融。除咗分享對城市面貌嘅觀察外，都穿插咗唔少對於沿山地勢嘅有趣見聞，佢哋仲話十八梯歷史區同香港嘅舊城區都有幾分相似添。
4. 中華文化魅力與全球視野 ：從鴛鴦火鍋到川劇變臉表演，團員們用生動嘅相片及幽默嘅描述帶領大家感受中華文化嘅魅力。大部分團員最難忘嘅就係能親身參與世界運動會開幕式。當中國代表團及香港代表團高舉國旗及區旗步入會場嘅瞬間，團員們都忍唔住企起身歡呼，十分自豪。
嚟緊深青躍動會繼續舉辦不同活動，讓深水埗區青年喺探索世界同時，鞏固國民身份認同。
出席分享會代表包括深水埗民政專員王浩宇、助理專員馮伊婧、深青躍動顧問甄韋喬、黃頌良、梁媛琴、梁麗琴及參與交流團學校嘅校長及老師。
@