@ 
大家可能仲記得，上年巴黎奧運花劍賽，張家朗衛冕之路上其中一場賽事，以1分險勝法國對手拿霍特 (Enzo Boris Lefort)，尋晚Enzo來港嘗試 「復仇」，再同家朗比賽 。
今次場景由巴黎大皇宮，搬到西九故宮博物館，最後家朗喺呢場友誼賽，再次擊敗奧運團體金牌得主、兩屆世錦賽冠軍嘅法國朋友Enzo。
比賽係「劍萃古今·躍動全運」表演賽一部份，其他賽事包括我國2008年京奧佩劍金牌選手仲滿，對2014年亞運雙銅牌得主港隊林衍聰，雙方其實以前喺全運會也曾交手。
表演賽都有重劍項目，由兩位港隊新星李玟慧及陳海琳對打，大師姐江旻憓嚟做比賽裁判，再次支持油尖旺活動 。
主禮嘉賓當然都星光熠熠：財政司司長陳茂波 Paul M.P. Chan、文化體育及旅遊局 Culture, Sports and Tourism Bureau局長羅淑佩、外交部駐港副特派員李永勝、中聯辦社工部部長劉松林、法國駐港署理總領事等 。
房屋局局長何永賢 Winnie Ho、多位立法會議員、民政總署署長杜潔麗、九龍城及深水埗民政專員等都到場打氣 。
社區人士現場觀賽，全港市民亦可於港台觀看直播 。
油尖旺民政處一直嘗試將劍擊同中國傳統文化結合，之前曾經喺西九戲曲中心及榕樹頭天后廟前，舉辦過青少年劍擊賽事。
油尖旺民政專員余健強多謝青途主席鄭泳舜議員，實現「文、體、社（區）」結合嘅概念升級 ，請國內外世界級運動員到世界級嘅香港故宮博物館，進一步帶熱全運氣氛 。
合辦單位代表亦陪Enzo遊覽油尖旺 ，余專員仲帶佢去飲茶 ，Enzo 就幫我哋喺油尖旺內地社媒平台宣傳區內旅遊特色 。
