@ 
今年夏天特別多雨 ，相信大家都深有體會！天文台數據顯示，今年8月未完，累積雨量已經達到928.9毫米，與歷史最高紀錄只差約160毫米！
面對極端天氣，北區勝在有強大嘅社區網絡！7、8月嘅連場黑雨，北區區議員同關愛隊透過地區網絡，及時向渠務署同北區民政處報告水浸情況。民政處除咗迅速安排疏通渠道、清理積水外，亦積極籌劃長遠改善方案，從根本提升鄉郊村落排水能力。
好消息係最近已完成以及即將於今年第三季完工嘅排水系統改善工程超過6項，遍佈沙頭角、打鼓嶺、粉嶺及上水鄉郊等多個地點 。相信呢一系列工程可以有效減低北區水浸風險，將極端天氣對居民嘅影響盡量減少！
能夠成功推展呢啲工程，地區意見同合作真係好重要。北區民政處特別感謝各位北區區議員、關愛隊、鄉事委員會、村代表同村民積極反映情況同支持工程。齊心協力，讓北區變得更加宜居！
