@ 
荃灣區一班高中學生喺暑假忙住做功課之餘，亦都去到鄰近香港嘅大灣區城市考察，開開眼界。荃灣區青年發展及公民教育委員會安排下，30幾位高中同學仔喺1-3/8去咗澳門同珠海考察交流，由荃灣民政助理專員關俊傑及委員會葛兆源委員帶領，一齊發掘大灣區嘅魅力！
澳門同珠海有豐富嘅歷史文化，亦係多間科創公司嘅孕育之地 。今次交流之旅當然要參觀同感受兩地集文化同科技於一身嘅地方，例如澳門科學館、大三巴牌坊、澳門teamLab超自然空間；珠海城市陽台 、珠海博物館新館、唐家灣等。同學仔仲去咗珠海機場、珠海中航通用飛機有限公司 ，同埋湯臣倍健透明工廠等，一起探索航空科技嘅應用，同埋近距離了解工廠入面嘅生產過程 。
今次交流行程緊湊，同學仔都話收獲豐富 ，加深咗對大灣區嘅了解。希望同學仔將今次旅程嘅好奇心 同熱誠 ，繼續用喺學業上，敢於創新 ，發掘自己嘅興趣 。
@