@ 
今個暑假，離島區青年發展網絡一如既往，準備咗好多唔同嘅活動畀各位學員過一個精彩又充實嘅假期，包括各類興趣班、訓練班同展覽參觀等等 ，唔知大家又有無發現今年暑假多咗好多新面孔呢？
今年有過百位學員透過招募活動加入離島區青年發展網絡 。為加深新學員對離島區青年發展網絡嘅了解，同認識新朋友，民政處舉辦咗2日1夜嘅迎新營 。
活動吸引咗超過70位學員參與，透過歷奇活動同團隊合作遊戲，訓練大家嘅團隊精神同默契，同時畀機會大家互相認識，建立友誼 ！
適逢首對喺香港出世嘅大熊貓 「加加」同「得得」今年1歲生日，學員亦一齊去到海洋公園上堂，了解大熊貓嘅生活習性同面臨嘅環境威脅，欣賞大熊貓之餘，亦學習珍惜同愛護動物。
暑假就快完結，但離島區青年發展網絡未來仲有好多唔同活動等住大家參加 ，記得密切留意啦 。
