@ 
全運熱潮浪接浪，深水埗區亦熱情洋溢，舉辦咗「社區全運活力站 」同「共融高爾夫球體驗活動 」！
1.社區全運活力站
上星期日（24/8），九龍社團聯會深水埗地區委員會同深水埗居民聯會喺深水埗區設立咗58個宣傳點 ，向街坊派發全運會宣傳單張同冰感毛巾，將全運會嘅熱情同活力送到街坊身邊，激勵居民支持全運會 。
當日，深水埗民政助理專員陳樂桐、前滑浪風帆運動員文傲軒、籃球運動員蔡浩東同青途籃球隊U14成員都齊集南昌站附近，呼籲市民積極支持全運會，同時鼓勵大家養成持久運動嘅好習慣，推動健康生活方式。
2.共融高爾夫球體驗活動
喺星期三(27/8)特別邀請唔同族裔嘅朋友仔齊聚西沙Go Park打高爾夫球。深水埗民政專員王浩宇同區議員梁秉堅仲同參加者一決高下，共享運動熱情。
今次高爾夫球體驗活動係地區為本種族融和計劃嘅一部分，有室內高爾夫模擬練習，亦有真草賽場，俾參加者親身體驗揮桿樂趣 ，透過分組活動同比賽，展現深水埗社區多元共融嘅精神，推動和諧共建嘅社區發展。
