@ 
1.油尖旺健康城市執行委員會主席王子成昨日（31/8）帶領委員，同會址喺區內嘅九龍中醫師公會等一齊，喺旺角街坊會舉辦義診及推拿活動，惠及四百名街坊。
油尖旺民政專員余健強致辭時多謝九龍中醫師公會理事長陳漢忠，應邀與地區團體合作，並感謝主禮嘉賓立法會議員林哲玄醫生及中聯辦協調部副部長李玲等。
活動仲有由國家衞健委及中醫藥管理局選出嘅「全國名中醫」陳抗生教授分享。
2.早前（8/20）油尖旺健康城市執行委員會另舉辦泌尿外科健康資訊講座，余專員多謝委員會健康講座工作小組召集人黃碧君，及九龍樂善堂營運嘅地區康健站。
3.油尖旺區關愛隊亦繼續推廣健康資訊，淨係尖沙咀中小隊八月就舉辦咗四場健康講座，請來專業醫護人士分享，主題包括肩頸痛症、肌少症等。
下星期，大角咀南及大角咀北關愛隊將合辦講座，教大家認識及預防認知障礙症。
@ 