@ 
今年係中國人民抗日戰爭暨世界反法西斯戰爭勝利 周年，黃大仙民政處聯同李慧琼立法會議員辦事處、民建聯黃大仙支部、全德慈善基金會，以及招商局集團喺黃大仙東頭社區中心合辦「紀念中國人民抗日戰爭暨世界反法西斯戰爭勝利80周年收藏品展覽」。展覽旨在讓市民大眾對抗戰歷史有更深入嘅了解 ，體會抗戰勝利嘅重大意義，珍惜得來不易嘅和平 ，更希望可以凝聚維護和平嘅力量，傳承愛國精神！
政務司司長陳國基、全國人大常委兼立法會議員李慧琼、中聯辦九龍工作部副部長郭長勇、黃大仙民政專員Thomas、全德慈善基金會創辦人唐卓敏醫生、招商局社會工作部副部長兼香港青年聯合會主席趙陽、中國外運(香港)控股有限公司總經理助理李錚錚及民建聯會務顧問簡志豪蒞臨主禮 。一眾嘉賓喺典禮上唱國歌 ，並細看收藏品。黃大仙區「三會」、「地區青年社區建設委員會」同「地區青年發展及公民教育委員會」委員亦有前來參加導賞活動 ，認真聆聽導賞員嘅講解，深入了解展覽內容。
展覽內容非常豐富，包括展示東江縱隊嘅英勇事跡、戰前香港、香港淪陷、日佔時期嘅香港、苦難嘅三年零八個月，以及抗日戰爭嘅勝利曙光等重要篇章。展覽提供咗一個寶貴嘅機會 ，讓大家透過歷史文物認識歷史及感受戰爭帶來嘅沉重教訓，從戰爭嘅沉重教訓中汲取教訓，珍愛和平，攜手開創更美好嘅未來 。場外更設有打卡展板，畀參加者拍照留念 。
展覽一連三日舉行，展期至9月1日，開放時間為上午10時至晚上7時。歡迎大家前來黃大仙東頭社區會堂，共同銘記歷史、緬懷先烈，為世界注入和平、穩定及進步力量 ！
