@ 
恭賀大埔區青年網絡活動策劃委員會委員鄧瀚駿（Vincent）同青年幹事會幹事鄭加諾（Carlos）今年榮獲民政及青年事務局局長嘉許（青年），Eunice專員、大埔青網召集人梁中明與Vincent 及Carlos家人一同出席30/8頒獎禮見證特別時刻，場面感動。
唔講唔知，特區政府2025年暑期政務職系實習生，獲派到大埔民政處進行實習工作 嘅教育大學四年級生Anson，原來喺2019年在學期間曾參與由Eunice専員親自帶領由大埔青網舉辦嘅俄羅斯考察團 ！Anson交流期間獲推選為團員代表 ，向俄方接待單位致謝。今年暑假，佢以政務職系實習生嘅身份，參與籌劃一項大埔青網義工藝術項目 。項目反響熱烈 獲納入大埔青網義工團嘅常規活動！
Anson親手寫咗感謝卡多謝專員喺實習期間嘅指導；Carlos 獲獎後趁1/9開學回母校多謝校長嘅培育；大埔青網孕育咗一班懂得感恩、矢志回饋社會嘅年青人，堅固咗大埔青網繼續以鼓勵青年人擁抱挑戰、超越自己、貢獻社會作為發展方向嘅決心。
Carlos喺2020年加入大埔青網；佢當年班主任，現為迦密聖道中學校長劉詠詩形容當年Carlos係一個「沉默 穩重」嘅學生；自從中學畢業後，Carlos積極參加大埔青網嘅活動，於蜕變中成長 ，擔任大埔青網龍舟隊 、長跑隊 、毅行者 同各項義工服務 ，而家更成為多隊運動隊嘅小隊長，推動其他成員鍛鍊體魄 ，參與義工服務積極回饋社會！
Vincent 六年前曾參與大埔青網嘅迎新營，深受當年青網前輩服務他人嘅精神所感動；自此佢積極參與大埔區青年網絡海陸空義工團各項義務工作及服務社區。Vincent 由一個內斂男孩，經多年籌辦大埔青網活動後，搖身一變成為自信及具組織能力嘅青年領袖，以熱誠感染他人。
青年領袖工作小組召集人梁中明亦形容於六個年頭內見證Carlos 同Vincent嘅成長及轉變，從靦腆中學生到青年社區參與骨幹，透過一起參與大埔青網，兩位都對社區服務熱情及能量滿滿，期待佢哋為社區作出更多貢獻。
