@ 
為鼓勵青年善用餘暇及積極參與有益身心嘅活動 ，荃灣民政處每年暑假都會透過「青年發展計劃」撥款，資助地區團體舉辦多元化暑期活動 ，涵蓋社區服務、教育發展、文化藝術、體育康樂同國民及公民教育 。
今年暑假嘅壓軸節目，就係由荃灣青年會喺 30/8 舉辦嘅「法」現足跡·城市定向比賽 。活動用咗有趣嘅城市定向方式，帶領青年認識《基本法》同《國安法》，寓學習於玩樂 ，又好玩又有教育意義！
頒獎禮上，荃灣民政專員區家盛表示，青年係國家嘅未來同希望。加深青年對《基本法》憲制地位嘅理解，讓佢哋明白維護香港繁榮穩定嘅重要性，以及掌握《國安法》喺維護國家安全同社會安定方面嘅關鍵作用，除咗有助培養青年嘅法治觀念，亦能增強佢哋嘅愛國情懷與社會責任感 。
今次活動同時標誌住荃灣區一系列暑期活動圓滿結束。展望來年，荃灣民政處會繼續鼓勵地區團體舉辦更多推動社區建設、國民及公民教育嘅活動，推廣多元文化，攜手培育有視野、有創意、有承擔、愛國愛港嘅新一代 ！
