@ 
今年暑假 ，沙田民政處、沙田區青年網絡同區內社福機構攜手合作 ，舉辦以職業導向為基礎嘅「全方位生涯規劃：工作體驗計劃」，畀沙田區嘅青年親身體驗各行各業嘅工作 ，擴闊視野，發掘個人嘅興趣同才能 ！
今次計劃提供嘅實習職位種類繁多，有醫療 、教育 、銷售 、運動場管理 、食物製作 、護老 、食物生產線等。社工根據青年嘅興趣同埋學業背景 ，配對相關嘅行業，令青年有機會嘗試自己心儀嘅職業，累積工作經驗。
另外，為強化學員們對職場禮儀嘅認知 ，沙田區青年網絡亦特意安排職場禮儀工作坊 ，邀請大灣區香港女企業家總會創會會長謝景霞擔任嘉賓，以自身經歷作為引入，以真實事例提醒大家職場注意事項 。參與者都虛心求教，並互相交流，分享感受同意見，大家都獲益良多 。
暑假開始至今，沙田區青年網絡舉辦咗多項活動，從籃球交流團 到工作體驗 ，從咖啡師實習 到越野跑訓練 ，有動亦有靜，切合不同青年嘅需要。
