@ 
觀塘民政處依兩日（1/8-2/8）舉辦咗「觀塘民政事務處工作體驗日」 ，希望增加青年對民政處工作嘅認識 。一齊回顧下四位分別嚟自觀塘區青年網絡「樂觀派」同九龍青年聯席會議嘅同學依兩日做咗啲咩啦
參加者第1日參觀咗觀塘民政處辦事處、觀塘區議會秘書處同觀塘民政諮詢中心，從職員嘅介紹了解民政處同區議會嘅工作，以及為區內居民提供嘅服務 。
佢哋仲親身旁聽區議會轄下嘅國民教育推廣委員會會議 ，體驗區議員議事同工作嘅環境。
活動第 2日，一眾參加者參觀咗觀塘社區中心，了解民政處以及地區團體點樣善用社區中心為居民提供舉辦活動嘅場地，亦同觀塘民政專員何立基互動交流 。佢哋除咗討論日常工作 、大家嘅學業 同興趣之外 ，專員仲分享咗喺推動地區發展嘅感受同經歷 ，鼓勵同學畢業後投身地區同青年工作 ，一齊建設社會。同學都表示喺體驗中認識多咗區內發展同社區建設，獲益良多 。
希望一眾參加者透過咁豐富嘅體驗活動 ，了解到青年喺社區擔任嘅角色 ，啟發對未來職業同社區參與方面嘅思考 ，甚至將來可加入政府，服務社會 。
@ 