@ 
喺9月3日，荃灣警民關係組 聯同商業罪案調查科 同新界南總區防止罪案辦公室人員 ，去到位於荃灣西嘅圓玄學院長者鄰舍中心 ，同班老友記 舉辦防罪防騙講座 。
透過今次講座，除咗介紹最新嘅「店舖盜竊」手法同「電話騙案」手法 ，仲向老友記展示咗假銀紙 ，教大家點樣分辨真偽 ！另外，亦協助區內老友記下載「香港警察流動應用程式」 ，等大家加強防騙能力之餘，仲可以享用一站式電子服務平台 ，更方便又安心！
荃灣警區希望繼續為區內老友記 舉辦多啲防騙防罪講座，透過宣傳同教育 ，提升大家嘅防罪意識 ，等每個人都唔會成為下一個受害者 ！
