@ 
荃灣區議會響應「全民運動日 2024」，8月4日喺荃灣體育館參與咗體育同樂活動 ，傳遞勤做運動有益身心嘅信息 。活動嘉賓包括律政司副司長張國鈞、荃灣區議會主席兼民政專員區家盛，以及多位荃灣區議員。
主席喺致辭中呼籲大家養成運動習慣 ，並鼓勵親子一齊參與運動 ，共同建立健康生活方式。各嘉賓親身體驗多項運動 ，包括親子循環體能訓練、90秒體能挑戰、電子虛擬遊戲「動感劍擊同樂」同地壺同樂活動。現場市民亦踴躍參與各項精彩活動，享受運動帶嚟嘅歡樂 。
除咗推廣恆常運動嘅良好習慣，荃灣區議會亦齊心支持港隊奧運健兒。主席及區議員早前到荃灣區康文署「活力奧運觀賞站」觀看賽事直播 ，一齊睇奧運撐港隊，多位區議員亦見證香港運動員獲獎一刻 。
奧運仲有多日賽事，一齊繼續為國家隊及香港隊打氣 ！
