@ 
1. 油尖旺民政處昨日（7/9）連續第四年舉辦「多元文化青年論壇」，邀請華裔及其他族裔講者及青少年互動。
今年主題為「多元文化、多元出路」，係「青年節」活動，油尖旺民政專員Edward 頒發感謝狀予主講嘉賓:
信義玻璃李聖根，佢同今年油尖旺少數族裔青年灣區交流工作體驗之旅嘅同學Danial同Hussain，講解少數族裔喺大灣區嘅機遇；
十大傑青麥騫譽博士，分享佢將興趣同事業結合嘅成功之路；
印度裔嘅Naman從家鄉來港讀大學後，善用政府科創措施及資源，自學以麵包製成啤酒嘅創業故事；
巴基斯坦裔嘅Adnan亦探討少數族裔同學仔點樣善用實習機會。
今次喺佐敦嘅油尖旺多元文化活動中心MAC舉行，由新家園協會合辦、傑出青年協會協辦。
值得一提，油尖旺民政處嘅前AO實習生Melody同少數族裔前實習生Bibi都返嚟做活動MC，準備充足，很有潛質。
2. 論壇之後係新一年油尖旺青年網絡嘅迎新日，青年網絡師兄師姐介紹去年嘅活動，包括：
青年欖球訓練班；
油尖旺X青年跑；
工作體驗；
海外交流；及
在盛事擔任義工等。
喺「Speed mentoring」環節，好幾位青年網絡領袖同青年分享人生經驗同生涯規劃建議。多謝協辦機構和富社會企業嘅幾位導師帶領呢個環節。
