@ 
由元朗區體育會主辦、元朗民政處、中國香港劍擊總會協辦嘅「迎接全國運動會—元朗青少年劍擊賽2025」，6/9喺元朗體育館完滿舉行啦！
今次活動為響應「2025年全國運動會及殘疾人特殊奧林匹克運動會」而舉辦，全運會香港賽區包括擊劍等八個項目，大會期望透過今次賽事，進一步提升區內人士對呢項國家級盛事嘅關注同支持，亦希望籍此推動劍擊運動，加深公眾對項目嘅認識！
賽事過程緊張刺激，選手們全力以赴，每一次攻擊同防守，都係智慧與心理素質嘅較量！賽場上一眾劍手展現出精湛嘅技巧與堅毅嘅意志，贏得在場觀眾嘅熱烈掌聲。
頒獎典禮邀請到元朗民政助理專員高倬煒以及多位地區領袖擔任主禮嘉賓，一同祝賀得獎選手，分享佢哋勝利嘅喜悦。
第十五屆全國運動會即將舉行，屆時記得親臨賽場或透過直播，為香港及國家運動員吶喊助威，感受熱血沸騰嘅競技時刻！一起投入全運熱潮，展現香港活力！
更多詳情可瀏覽網址：https://www.2025nationalgames.gov.hk/tc/
