@ 
大埔區青年網絡上年派出3隊參加毅行者，喺8號風球後極具挑戰嘅路況同天氣下咬實牙關完成艱辛嘅100公里挑戰！今年再次聯乘 TTR 毅行教室舉辦「⻘年⼤埔走 x 越野跑100體驗」。
近日，大埔民政專員Eunice同大埔鄉事委員會主席暨大埔青網副主席林奕權、召集人梁中明同委員李文傑與十多位大埔及其他區嘅年青人一齊參與訓練，更獲剛完成並連續三年勝出法國UTMB CCC年齡組別第二名嘅KK Sir親身支持同鼓勵；大埔青網毅行隊2025鬥志激昂、充滿力量！
KK Sir分享，原來佢2018年第一次參加UTMB時，因身體狀況未能完成賽事而剪帶。回港航班途中內心覺得非常痛苦，因而下定決心、自律練習、加強鍛鍊。之後於2023年再度參賽，並連續三年獲得年齡組別頭三名！
失敗並不可恥，亦不可怕，越野跑界長青樹KK Sir都試過。重點就係失敗之後，喺邊度跌低喺邊度起身，仲要連續贏返3屆。呢個就係面對失敗最令人驕傲嘅姿態！KK Sir以自己嘅經歷身教年青人面對困難同挑戰嘅態度，沒有更合適、更有說服力嘅說法！
剪過帶、斷過片、懷疑過人生；然後企番起身，嗒真輸得起、贏得返嘅人生！
活動由大埔區青年網絡同大埔區青年發展及公民教育委員會合辦，旨在透過越野跑運動 提升大青成員對山野安全、保育 同運動 科學嘅知識。各成員早於今年7月起喺烈日當空 嘅炎夏 進行耐熱同耐力訓練，以「同毅同行、不懈信念」，將會攜手完成有些少 難度嘅100公里挑戰！
